Etsuo Miyoshi
Iama prezidanto de Swany, kaj aktivulo por la disvastigo de Esperanto.
Naskiĝis en la gubernio Kagaŭa en 1939.En la aĝo de 6 monatoj, mi malsaniĝis je poliomjelito, kio lasis handikapon en mia dekstra kruro.Ekde 1964, kiel la dua prezidanto de la gantfabrikanto Swany, li vojaĝis tra la tuta mondo por vastigi la merkaton de skiaj kaj kontraŭmalvarmaj gantoj, farante vojaĝojn egalajn al cent ĉirkaŭiroj de la Tero.
Inspirite de valizo kun radoj, kiun li vidis en Novjorko, li evoluigis la “Swany Bag”, kiu subtenas la korpon dum marŝado. Li ankaŭ inventis la rulseĝon “Swany Mini”, kiu faldeblas ĝis malpli ol duono de la volumeno de komercaj modeloj, alportante pli da libereco de moviĝo al multaj homoj.
Dum siaj vojaĝoj tra la mondo li profunde sentis la lingvan baron, kaj la disvastigo de Esperanto, “komuna lingvo lernebla kvinoble pli rapide ol la angla”, fariĝis lia vivocelo.En 2003 li vendis Swany al kompanio financata de Japan Post Bank kaj aliaj investantoj.Per tiuj financoj li publikigis tutpaĝajn reklamojn kun la slogano “Esperanto estu oficiala lingvo de EU!” en ok ĉefaj gazetoj de Francio, Germanio kaj Pollando, sepfoje en ĉiu gazeto.
Kun la kunlaboro de esperantistoj el la mondo li kolektis pupojn kaj organizas la “Mondan Pupekspozicion”. Li proponas la realigon de “oazo por la koro” pere de la libereco de moviĝo (sakoj kaj rulseĝoj) kaj la libereco de lingvo (Esperanto).